Палатаи поёнии парлумони ҷумҳурӣ Протокол оид ба ворид намудани тағйирот ба Созишнома дар бораи таъмини мутақобилаи ҳифзи иттилооти махфӣ дар доираи Созмони Аҳдномаи амнияти дастаҷамъӣ (СААД)-ро ба тасвиб расонид.
Муовини аввали раиси КДАМ Тоҷикистон Мансур Умаров қайд кард, ки ин протокол ба ташкили низоми таъмини амнияти иттилоотӣ, пешгирии амалҳои тахрибкорона бо истифода аз шабакаи Интернет, ҳамкорӣ дар самти ошкор кардани ҷиноятҳое, ки бо истифодаи технологияҳои иттилоотӣ содир мешаванду дар қонунгузории миллӣ ба он ҳамчун ҷиноят бар зидди сохти конститутсионӣ ва хатар ба амнияти кишвар баҳо дода мешавад, нигаронида шудааст.
Раиси палатаи поёнии парлумон Шукурҷон Зуҳуров дар ин робита изҳор намуд, ки дар ин санад таъмини амнияти давлатҳо, аз ҷумла ошкор намудани нияту талошҳо зидди сохти конститутсионӣ пешбинӣ шудаааст. «Чунин ҳамкорӣ барои мо хеле муҳим аст», – гуфт ӯ.
