Оғои Такаши ОКИМОТО, роҳбари бахши матбуотии Сафорати Чопон дар Ҷумҳурии Тоҷикистон рўзи 14 октябри соли 2016 ба вилояти Хатлон сафар намуда дар маросимҳои анҷом ёфтани ду лоиҳае, ки тавассути Ҳукумати Ҷопон дар чаҳорчубаи “Барномаи кӯмакҳои бебозгашт барои бахши аъзами аҳолӣ ва амнияти башарӣ (GGP) амалӣ гаштаанд, ширкат варзид.
Маросимҳои мазкур дар якҷоягӣ бо ширкати раисони ноҳияҳои Балҷувон ва Восеъ ва кормандони махалли ба хотири бомуваффақ иҷро шудани лоиҳаҳо роҳандозӣ гаштанд. Маблағи умумии лоиҳаҳо 208,921 доллари ИМА ро ташкил дод.
Дар маросими «Лоиҳаи сохтмони бинои нав барои мактаби №11 дар деҳаи «Хироб»-и ҷамоати деҳоти «Балҷувон»-и ноҳияи Балҷувон», ғайр аз ҳузури раисаи нохия, хонум Маърифат ЗОИРОВА инчунин падару модар, талабагон ва мардуми ҷамоати мазкур ширкат доштанд. Маблағи лоиха бо мақсади беҳтар намудани муҳити таълимӣ ва низоми бақайдгирии талабагон босамар ба роҳ монда шуд. Хамчунон ҳукумати маҳаллии ноҳияи Балҷувон мактабро бо таҷҳизоти нави омузишӣ муҷаҳҳаз гардонид.
Маросими ба анҷом расидани “Лоиҳаи сохтмони бинои нав барои беморхонаи минтақавии №3 дар қишлоқи Меҳнатободи ҷамоати ба номи Рўдакии ноҳияи Восеъ” худи ҳамон руз баргузор гардид. Маросим бо ширкати хонум Лола ҒАФУРОВА муовини раиси ноҳияи Восеъ, кормандони беморхонаи мазкур ва мардуми маҳаллӣ созмон ёфт. Феълан бо анҷоми муваффақоани лоиҳа, бинои нави беморхона сохта шуда, барои кормандон ва беморон шароити барҳаво ва мусоиди санитарӣ ва муҳити муносиб фароҳам оварда шудааст.
Дар маросими мазкур, оғои ОКИМОТО дар бораи аҳамияти лоиҳаҳои GGP дар рушди Тоҷикистон суханронӣ намуда, раисони ноҳияҳо миннатдории самимии хешро ба Ҳукумати Ҷопон баҳри баланд бардоштани сатхи зиндагии мардуми Тоҷикистон изҳор намуданд.
