Рӯзи якшанбе бар асари корҳо дар пул ҳаракати нақлиёт дар хиёбони Саъдии Шерозӣ маҳдуд карда шуда, танбашавии зиёди нақлиёт ба вуҷуд омад, ки боиси ҳар гуна овозаҳо гардид.
Мақомоти шаҳрдории Душанбе изҳор мекунад, ки пули роҳи оҳани назди «Текстилкомбинат» аз таъмир бароварда мешавад.
Тавре як манбаъ ба «Азия-Плюс» аз мақомоти шаҳрдории пойтахт дар ин робита иттилоъ дод, овозаҳои дар шаҳр ҷойдошта доир ба вайрон шудани пул асоси воқеӣ надоранд.
Ба гуфтаи манбаъ, мувофиқи супориши раҳбарияти КВД «Роҳи оҳани Тоҷикистон», аз 12 то 13 март дар ин пул корҳои таъмир гузаронида мешаванд.
Аз мақомоти шаҳрдорӣ ҳамчунин огоҳ карданд, ки дар давраи таъмири пул ба ҳаракати нақлиёт аз ин мавзеъ метавонад гоҳ-гоҳ маҳдудият ҷорӣ шавад.
