Вазири корҳои хориҷӣ ва ҳамкории байнулмилалии Амороти Муттаҳидаи Араб (АМА) Абдулло ибн Зайад Ал-Наҳайан рӯзи 25 май бо сафари якрӯзаи расмӣ ба Тоҷикистон ташриф меорад.
Тавре ба «Азия-Плюс» як манбаъ аз ҳукумати ҷумҳурӣ иттилоъ дод, мансабдори воломақоми ин кишварро президенти Тоҷикистон Эмомалӣ Раҳмон ба ҳузур мепазирад.
Бино ба иттилои манбаъ, дар барномаи сафар ҳамчунин дидору гуфтушуниди ӯ дар Вазорати корҳои хориҷии Тоҷикистон низ ба нақша гирифта шудааст.
Қобили зикр аст, ки Абдулло ибн Зайад Ал-Наҳайан пас аз анҷоми сафараш ба Ӯзбекистон аз Тошканд ба Душанбе меояд.
