Имомхатиби масҷиди ҷомеи ҷамоати Ҳакимии ноҳияи Нуробод (собиқ Комсомолобод) Абдусаттор Юсупов Эронро дар фавти 150 ҳазор нафар шаҳрвандони Тоҷикистон гунаҳкор медонад.
Дар мақолаи интишоршудаи имомхатиб дар сомонаи Кумитаи дин қайд мешавад, ки «агар ба таърихи навини Тоҷикистони соҳибистиқлол назар кунем, бароямон равшан мегардад, ки ҷанги шаҳрвандӣ маҳз бо ташаббус ва дастгирии молиявии Эрон амалӣ шуда, дар натиҷа Тоҷикистон 150 000 шаҳрванди худро аз даст дод».
Аз мардуми кишвар даъват карда мешавад, ки «бояд зиракиро аз даст надода, мазҳаби аҷдодиро аз олудагиҳо ҳифз намоем ва ҳама чун як тан дар атрофи Пешвои миллат муттаҳид бошем!».
Таъкид мешавад, ки Эрон имрӯз ҳам Ҳизби наҳзати исломиро, ки дар Тоҷикистон террористӣ эътироф шудаву фаъолияташ манъ аст, дастгирӣ мекунад.
