Сафири Тоҷикистон дар Иёлоти Муттаҳидаи Амрико Фарҳод Салим ба Наҳори дуои миллӣ ё Шоми дуои миллӣ бо ҳузури президенти ИМА Доналд Трамп даъват шудааст. Дар ин бора ба «Азия-Плюс» аз Вазорати корҳои хориҷии Тоҷикистон иттилоъ доданд.
Дар ин чорабинӣ наздики 3 ҳазор нафар меҳмонон (сиёсатмадорону тоҷирон, пешвоёни ҷамъиятиву мазҳабӣ) аз 100 кишвари саросари дунё иштирок мекунанд.
Соли гузашта Тоҷикистонро дар ин маърака вакилони Маҷлиси намояндагони Маҷлиси Олии ҷумҳурӣ намояндагӣ карда, имсол дар он танҳо сафир ҳузур хоҳад дошт, хабар доданд ба «Азия-Плюс» аз Вазорати корҳои хориҷӣ.
Наҳори дуои миллӣ ҳамасола дар Вашингтон бо ҳузури президент панҷшанбеи аввали моҳи феврал доир гардида, ҳадафи он роҳандозии муносибатҳо ва таҳкими ҳусни тафоҳум байни намояндагони бахшҳои гуногуни кишварҳо унвон мешавад.
Фарҳод Салим соли 2014 сафири Тоҷикистон дар ИМА таъин шуда, моҳи май ба президенти вақти ин кишвар Барак Обама эътимоднома супурд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
