Дар остонаи ҷашни Рӯзи модар гурӯҳи расонаҳои «Азия-Плюс» дар ҳамдастӣ бо ширкати «Оби зулол» аксияи «Модарони Душанбе»-ро роҳандозӣ карданд.
Автобуси бепул дар хатсайр автобуси №3) равуо намуда, ҳамаи занони хоҳишмандро бепул то ҷойи зарруриашон бурда расонид.
Табъи ҳар зани хоҳишманди ба автобус саворшуда бо туҳфа ва ҳодисаҳои аҷибу ногаҳонӣ болида гардонида шуд.
Ғайр аз ин, ба ҳар кадоме аз иштирокчиёни ин аксия рақами махсусе дода шуд, ки ба воситаи он айни замон дар бозии барномаи пахши мустақими радиои «Азия-Плюс» дар мавҷи 107 FM ба туҳфаҳои ҷолибу арзишманд соҳиб шуда метавонанд.
Чорабинии мазкур бо дастгирии дастгоҳи мақомоти шаҳрдории Душанбе гузаронида мешавад. Сарпарастони кулли аксияи «Модарони Душанбе» – ширкатҳои «Оби Зулол» ва «RC cola»; сарпарастони расмӣ – «Бонки байналмилалии Тоҷикистон»», ширкати алоқаи Tсell, фабрикаи қаннодии «555» ва ширкати Huawei; шарикони аксия – Маркази зебоишиносӣ ва ороишоти занон (Центр эстетической гинекологии и косметологии) мебошанд.
Автобуси идона имрӯзу пагоҳ бо хатсайри №8 равуо мекунад. Муддати ин дур рӯз барои занон равуо бо ин автобус бепул аст.
