Бонки миллии Тоҷикистон дар бораи қатъи фаъолияти ширкати «Суғуртаи Наҷот» хабар дод.
Дар робита ба анҷоми қатъи муҳлати амали иҷозатномаи ширкат ба роҳандозии фаъолияти суғуртавӣ, Раёсати Бонки миллӣ санаи 29 майи соли равон дар ин хусус қарори дахлдор қабул намуд.
Дар маълумоти Бонки миллӣ қайд мешавад, ки дар Феҳристи ягонаи давлатии иштирокчиёни касбии бозори суғурта сабти дахлдор оид ба хориҷ намудани ҶДММ “Суғуртаи Наҷот” ворид карда мешавад.
Қобили зикр аст, ки айни замон дар ин бозор наздики 20 субъекти гуногун фаъолият доранд, ки дутоашон – КВД «Тоҷиксуғурта» ва ШДС «Тоҷиксармоягузор» давлатӣ мебошанд.
Байни ширкатҳои хусусӣ «Ориён иншуренс», «Муин», «Труд», «Имдод», «Мадад иншуренс» ва «Эсхата групп» ширкатҳои нисбатан фаъол дар бозори суғурта мебошанд.
Дар қонунгузории Тоҷикистон суғуртаи субъект ва иншоот аз рӯи 43 навъи фаъолият пешбинӣ шудааст.
Ҳозир дар бозор бештар ба чунин навъҳои суғурта, аз қабили суғуртаи амвол, суғуртаи шахсӣ, суғуртаи масъулият ва суғуртаи ҳаёт афзалият дода мешавад.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
