Дар шаҳри Душанбе ду намоишгоҳи ҳунарҳои мардумӣ боз шуд, ки дар он маҳсули кори ҳунармандону косибон аз тамоми минтақаҳои ҷумҳурӣ ба маърази тамошо гузошта шудааст.
Сокинону меҳмонони пойтахт муддати як моҳ аз ин намоишгоҳҳо боздид карда метавонанд: кори намоишгоҳҳо, ки дар Галереяи санъати муосири Тоҷикистон (ошёнаи 3-юми МС «Душанбе Мол») ва толори намоишгоҳи «Роҳи оҳани Тоҷикистон» баргузор мешаванд, то 2 август идома меёбад.
Дар ин намоишгоҳ маҳсули кори ҳунармнадону косибони саросари кишвар пешниҳод шудааст: маснӯоти кулолгарӣ, кордҳои гуногуни дастӣ сохташуда, зарф, сарулибоси миллӣ ва пойафзол, сарпӯшҳо, маснӯот аз нуқраи кори дастӣ ва ғайра.
Намоишгоҳҳо ба муносибати Соли рушди сайёҳӣ ва ҳунарҳои мардумӣ баҳри дастгирии ҳунармандону косибон аз ҷониби Кумитаи рушди сайёҳии Тоҷикистон созмон дода шудааст.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
