Аз маркази матбуоти ширкати IRS ба “Азия-Плюс” хабар доданд, ки бориши барфи зиёд боиси баста шудани роҳи Душанбе – Хуҷанд – Чаноқ гардидааст.
Аз сабаби фаромадани тармаи зиёд, махсусан дар километри 47 то 81-ум , роҳ баста шудааст. “Дар ин минтақа давоми як шабонарӯз беш аз 10 тарма фаромадааст”,- хабар медиҳад маркази матбуоти ин ширкат.
Бориши барф идома дорад ва эҳтимоли фаромадани тарма ҳанӯз ҳам боқӣ мемонад. Дар ин минтақаҳо техникаи махсус фаъолият дорад.
“Қарори муваққатан бастани роҳро ситоди махсус қабул менамояд, ки ба он намояндагони ширкати IRS, вазорати нақлиёт, ВКД, КҲФ ва МГ шомиланд”,-иттилоъ доданд аз маркази матбуотии ширкати IRS.
Ҳоло мушаххас нест, ки ҳаракати нақлиёт дар ин роҳ кай иҷозат дода мешавад.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
