Дар ҳоли ҳозир дар Туркманистон камчинии инсулин мушоҳида мешавад. Доруи барои беморони қанд ҳаётан муҳим дар дорухонаҳои хусусӣ пайдо намешавад ва дар дорухонаҳои давлатӣ барои инсулин навбатпоии тӯлонӣ дида мешавад.
Бино ба иттилои Бахши хабарии Осиёи Марказӣ бо истинод ба расонаҳои маҳаллӣ, инсулинро дар Туркманистон бо дорухати табиб ва бо миқдори маҳдуд мефурӯшанд. Ин рӯзҳо пушти дари дорухонаҳои давлатӣ барои харидани инсулин навбатпойии тӯлонӣ дида мешавад.
"Барои мисол, агар ба бемори қанд табиб 5 ҳабби инсулин тавсия диҳад, дар дорухона ҳамагӣ то 3 ҳаб медиҳанд. Агар 3 ҳаб нависад, пас дар дорухона 2 ҳаб медиҳанд. Аммо агар бемор аз хона берун шуда натавонад, дар дорухона ба наздикони вай дору намефурӯшанд", – нақл кардааст як шоҳиди ҳодиса.
Гуфта мешавад, сокинони Туркманистон бештар аз як сол аст, ки бо камбуди дору рӯ ба рӯ ҳастанд. Дар баробари камчинӣ инчунин қимати доруҳо боло меравад ва мақомот монеи ворид кардани дору аз хориҷ мешаванд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
