Зодаи шаҳри Конибодом, муовини командири баталйон оид ба техникаи қисми ҳарбии 3502 ВКД Тоҷикистон капитан Фаррух Иброҳимов ҳангоми хомӯш кардани сӯхтор ба ҳалокат расид.
Бино ба маълумоти дафтари матбуоти ВКД Тоҷикистон, ҳомбурда ҳангоми қарор доштан дар рухсатии меҳнатӣ дар зодгоҳаш шаҳри Конибодом баъди бохабар гаштан аз ҳодисаи сӯхтор дар манзили истиқоматии ҳамдеҳааш Саодат Толибова воқеъ дар маҳаллаи Ҳавзи баланд бетараф наистода барои хомӯш кардани оташ ҳиссагузорӣ намуд.
ИЗОБРАЖЕНИЕ Фаррух Иброҳимов
“Афсари ҷавон, ки ҳамаги 27 сол дошт бо ғайрати том ба сухторхомӯшкунӣ машғул гашта дар иҳотаи оташ ҷароҳатҳои вазнини сухтаи бадан мебардорад ва бо бардошти 85% сӯхтани аъзои бадан баъдан дар беморхона ба ҳалокат мерасад”, – қайд мешавад дар маълумоти ВКД.
Гуфта мешавад, афсари қушунҳои дохилӣ капитан Фаррух Иброҳимов баъди марг бо фармони вазири корҳои дохилӣ генерал-полковники милитсия Рамазон Раҳимзода рутбааш ду зина боло бардошта шуда, бо рутбаи подполковник қадршиносӣ гардид.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
