“Кӯли Душанбе” маҷмааи истироҳатӣ буда, дар ҷойи пештараи Кӯли Варзоб дар майдони 15 гектар сохта шудааст.
Мо тасмим гирифтем, ки ба масъалаҳои дар бораи чӣ гуна дар он истироҳат кардан ва мутаносибан нархҳои хизматгузориҳои он рӯшанӣ андозем.
Аз 31 август то охири мавсим сокинону меҳмонони Душанбе метавонанд аз “Кӯли Душанбе” боздид намоянд. Боғ бидуни истироҳат кор мекунад. Воридшавӣ барои кӯдакони қадашон то 140 см ва шахсони синни аз 50-сола боло бепул аст. Барои шахсони калонсоли дигар синнусол нархи воридшавӣ – 120 сомонӣ ва кӯдакон – 50 сомонӣ муқаррар шудааст.
Бо маблағи билети воридшавӣ метавон бидуни маҳдудият аз шиногоҳ (пляж), кӯл, зонт истифода бурда, аз боғи ҳайвонот боздид намуд. Ғайр аз ин, боз дигар хизматгузориҳои зерини пулакӣ низ мавҷуданд: вейкбординг, Flybord, катамаранҳо, фудкорт, майдонҳои варзишивуистироҳатӣ ва ғайра.
Дар бораи нархи номгӯи ҳамаи хизматгузориҳо маъмурияти боғ ба “Азия-Плюс” маълумот надода, лекин бо ҳамаи масъалаҳои мавриди таваҷҷуҳ метавон тариқи саҳифаашон дар Facebook ба онҳо муроҷиат намуд.
Маводи мо бо суроғаҳои news.tj ё asiaplustj.info тариқи браузери Opera (ба кор даровардани VPN лозим аст) қобили дарёфт аст. Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
