Як марди 39-сола дар ноҳияи Балхӣ бо гумони дуздии 250 метр қубурҳои обгузари оҳанин, ки 51 ҳазор сомонӣ арзиш доранд, дастгир шудааст.
ВКД иттилоъ медиҳад, ки аз ҷониби марди 33-солаи сокини ноҳияи мазкур ариза ворид гардидааст, ки аввалҳои моҳи октябри соли 2019 шахсони номаълум бо роҳи пинҳонӣ аз канори ҷамоати шаҳраки Балхӣ қубурҳои обгузари оҳанини андозаи Д-500, ки арзишашон 51000 сомониро ташкил медиҳад, дуздида, аз ҷойи ҳодиса ғайб задаанд.
Кормандони милитсия ҳангоми гузаронидани чорабиниҳои оперативӣ-ҷустуҷӯйӣ марди 39-солаи сокини деҳаи “Замини нав”-ро бо гумони дуздӣ дастгир карда, далелҳои шайъиро қисман гирифтаанд.
Инчунин ба ШВКД-1 дар шаҳри Исфара аризаи зани 30-солаи сокини ҷамоати деҳоти Кулқанд ворид шудааст, ки аввалҳои моҳи июни соли ҷорӣ шахсони номаълум ба мағозаи хӯроквории , ин соҳибкори инфиродӣ, воқеъ дар ҷамоати деҳоти Кулқанд даромада, аз он 1 адад телефони мобилии тамғаи “Хонор”, арзишаш 1350 сомониро дуздида, аз ҷойи ҳодиса ғайб задаанд.
Зимни чорабиниҳои оперативӣ-ҷустуҷӯйӣ кормандони милитсия марди 22-солаи сокини ҷамоати деҳоти Кулқандро ҳамчун гумонбари ҷинояти дуздӣ дастгир карданд.
Аз рӯйи ин ҳодисаҳо тафтишот идома дорад.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
