Ҳукумати Тоҷикистон афзоиши воқеӣ (реалӣ)-и иқтисоди кишварро дар се соли оянда дар сатҳи қариб 8% интизорӣ дорад.
“Афзоиши реалии Маҷмӯи маҳсулоти дохилӣ (ММД) дар соли 2020 – 7,8%, соли 2021 – 7,9% ва дар соли 2022 – 8,0% -ро ташкил хоҳад дод”, – хабар медиҳад Вазорати молияи ҷумҳурӣ.
Қобили зикр аст, ки аз рӯйи натиҷаҳои соли 2019 сатҳи афзоиши воқеии иқтисоди кишвар 7,5%-ро ташкил дод.
ИЗОБРАЖЕНИЕ
ММД соли равон дар ҳаҷми наздики 87,4 млрд. сомонӣ ба нақша гирифта шудааст, ки аз соли гузашта 11,7% зиёдтар мебошад. Дар назар дошта шудааст, ки дар солҳои 2021-2022 ММД-и номиналӣ бо ҳисоби миёна ба 11,0% афзоиш ёфта, қариб ба 108,8 млн. сомонӣ баробар мешавад.
Мутобиқи ҳисобҳои ҳукумат, таваррум дар соли равон 6,8% хоҳад шуд. Дар солҳои 2021 ва 2022 он мутаносибан дар сатҳи 6,8% ва 6,6% пешбинӣ шудааст.
Ғайр аз ин, қайд мекунанд дар Вазорати молия, соли 2020 қурби сомонӣ нисбат ба доллари ИМА ба ҳисоби миёна 6,7% поин рафта, 10,2 сомонӣ барои 1 долларро ташкил хоҳад дод.
Соли 2019 арзи миллии Тоҷикистон нисбат ба доллари ИМА ба андозаи 2,7% беқурб шуд.
ИЗОБРАЖЕНИЕ
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
