АНОНС
– Муовини аввали ёвари котиби давлатии ИМА Элис Уэллс ба Душанбе меояд. Дар вохӯриҳои ӯ бо намояндагони ҳукумати Тоҷикистон масоили густариши ҳамкорӣ дар соҳаи амнияти минтақавӣ, рушди робитаҳои иқтисодиву энергетикӣ ва гуманитарӣ баррасӣ мешаванд.
ИЗОБРАЖЕНИЕ Элис Уэллс
ҚУРБИ АСЪОР
Қурби асъор нисбат ба сомонӣ (асъори миллии Тоҷикистон), ки Бонки миллии ҷумҳурӣ ба ин сана муқаррар кардааст:
1 доллари ИМА – 9.6935 сомонӣ;
1 евро – 10.7898 сомонӣ;
1 рубли русӣ – 0.1559 сомонӣ.
ЯК РӮЗИ ТАЪРИХ
1838 – Бори нахуст дастгоҳи телеграфии Морзе ба маърази тамошои умум гузошта шуд.
1937 – Дар Иттиҳоди Шӯравӣ (СССР) дуввумин бақайдгирии умумииттифоқии аҳолӣ доир гардида, аҳолии СССР 170 млн. нафар муайян карда шуд.
1965 – Ноҳияҳои Вахш ва Комсомолобод (феълан Нуробод) ташкил карда шуданд.
2010 – Дар Тоҷикистон маъракаи оммавии фурӯши саҳмияҳои ҶСК «НОБ-и Роғун» оғоз гардид.
РӮЙДОДҲОИ МУҲИМИ РӮЗ
82 сол пеш овозхони маъруфи Италия, оҳангсоз, актёр, коргардон ва ровии телевизион Адриано Челентано ба дунё омад, ки дар саросари дунё мухлисони сершумор дорад.
ИЗОБРАЖЕНИЕ
ВАЗЪИ ОБУҲАВО
Дар вилояти Суғд — Ҳавои абрнок, боришот (борон, барф) дар баъзе ноҳияҳо бошиддат ба амал омада, дар ноҳияҳои алоҳида туман мефарояд. Шамол аз самти ғарб бо суръати 3-8м/с мевазад. Дар водиҳо шабона -1+4, рӯзона 1+6° гарм, дар ноҳияҳои кӯҳӣ шабона 3-8° хунук, рӯзона 0-5° хунук мешавад.
Дар вилояти Хатлон — Ҳавои абрнок, дар водиҳо борон борида, дар ноҳияҳои алоҳидаи доманакӯҳӣ боришот (борон, барф) дар баъзе ноҳияҳо бошиддат ба амал омада, дар ноҳияҳои алоҳида туман мефарояд. Шамол аз самти ғарб бо суръати 3-8м/с мевазад. Дар водиҳо шабона 0+5° гарм, рӯзона 4+9° гарм, дар ноҳияҳои доманакӯҳӣ шабона 0-5° хунук, рӯзона 0+5° гарм мешавад.
Дар ВМКБ — Ҳавои абрнок, дар ноҳияҳои алоҳида боришот (борон, барф) ба амал меояд. Шамол аз самти ғарб бо суръати 2-7м/с мевазад. Дар ғарби вилоят шабона 2-7 хунук, рӯзона -1+4°, дар шарқи вилоят шабона аз 16-21° то 23- 28 хунук, рӯзона аз 6-11° хунук то 10-15° хунук мешавад.
Дар НТМ — Ҳавои абрнок, дар водиҳо борон, дар ноҳияҳои кӯҳӣ барф бошиддат ва пуршиддат борида, дар ноҳияҳои алоҳида туман мефарояд. Шамол аз самти ғарб бо суръати 3-8м/с мевазад. Дар водиҳо шабона 0+5° гарм, рӯзона 3+8° гарм, дар ноҳияҳои кӯҳӣ шабона 1-6° хунук, дар баъзе ноҳияҳо то 8-10 хунук, рӯзона -2+3° мешавад.
Дар шаҳри Душанбе — Ҳавои абрнок, борон, дар баъзе ҳолатҳо бошиддат меборад. Шамол аз самти ғарб бо суръати 2-7м/с мевазад. Шабона 1+3° гарм, рӯзона 6+8° гарм мешавад.
Дар шаҳри Хуҷанд — Ҳавои абрнок, дар баъзе ҳолатҳо борон меборад. Шамол аз самти ғарб бо суръати 3-8м/с мевазад. Шабона 0+2° гарм, рӯзона 3+5° гарм мешавад.
Дар шаҳри Бохтар — Ҳавои абрнок, борон меборад. Шамол аз самти ғарб бо суръати 2-7м/с мевазад. Шабона 2+4° гарм, рӯзона 6+8° гарм мешавад.
Дар шаҳри Хоруғ — Ҳавои абрнок, боришот (борон, барф) ба амал меояд. Шамол аз самти ғарб бо суръати 2-7м/с мевазад. Шабона 2-4° хунук, рӯзона 2+4° гарм мешавад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
