Сатҳи таваррум дар бахши истеъмолии Тоҷикистон дар соли 2019 ба нишодиҳандаи рекордӣ тайи ҳафт соли охир – 8% расид.
Тавре Агентии омори назди президенти Тоҷикистон хабар медиҳад, нархи маҳсулоти озуқаворӣ ба андозаи 10,9%, маҳсулоти ғайриозуқаворӣ – 4,2% ва тарифҳо ба хизматрасониҳои пулакӣ – 5,5% боло рафтанд.
Ҳукумати Тоҷикистон ният дошт, ки соли 2019 таваррумро дар сатҳи на бештар аз 7% нигоҳ дорад.
Нархи кадом маҳсулоту хизматрасониҳо боло рафт?
Маҳсулоти озуқаворӣ:
Сабзавот – 25,3%
Гӯшт – 21,8%
Маҳсулоти нонӣ – 16,5%
Маҳсулоти ширӣ – 6,4%
Тухм – 6,4%
Маҳсулоти ғайриозуқаворӣ:
Маҳсулоти дорусозӣ (фармасевтӣ) – 13%
Дастгоҳу таҷҳизоти маишӣ – 7,9%
Хишти сохтмонӣ – 6,2%
Воситаҳои шустушӯйӣ – 3,3%
Хизматрасониҳои пулакӣ:
Равуо бо нақлиёти ҳавоӣ – 11,1%
Хизматрасониҳои таъминот бо об – 4,3%
Хизматрасониҳои маишӣ – 3,8%
Равуо бо нақлиёти автомобилӣ – 2,9%.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
