Вохӯрии навбатии сатҳи баланд дар чаҳорчӯби “Осиёи Марказӣ – ИМА” («С5+1») тариқи алоқаи конфронси видеоӣ имрӯз, 30-юми июн баргузор мешавад. Дар ин бора ба “Азия-Плюс” аз Вазорати корҳои хориҷии ҶТ хабар доданд.
Дар машварат бо котиби давлатии ИМА Майкл Помпео ба ҷуз вазири корҳои хориҷии Тоҷикистон Сироҷиддин Муҳриддин, инчунин вазирони корҳои хориҷии Қазоқистон Мухтор Тлеубердӣ, Қирғизистон – Чингиз Айдарбеков, Туркманистон – Рашид Мередов ва Ӯзбекистон – Абдулазиз Комилов иштирок мекунанд.
Дар ин машварат баррасии масоили муҳиму рӯзмарраи ҳамкории иқтисодии минтақавӣ, густариши робитаҳои мутақобилаи кишварҳои минтақаи Осиёи Марказӣ ва ИМА дар назар аст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
