Дар шаҳри Душанбе корҳои тахриби собиқ бинои Кумитаи марказии Ҳизби коммунисти ҶШС Тоҷикистон, ки аз соли 1992 Кохи президент дониста мешуд, идома доранд.
Қисмати рост ва асосии бино, ки дар маркази маҷмаа ҷойгир буд, аллакай тахриб шуда, дар ин ҷо сохтмони бинои нави ҳукумати Тоҷикистон дар назар аст.
Аксбардори мо Абдуллоҳ Ғурбатӣ бо ҷараёни корҳо, аз ҷумла кори техникаи махсус дар ин ҷо шинос шуд.
Ин бино дар пойтахти Тоҷикистон соли 1957 қомат афрохт. Замони шӯравӣ ин ҷо Кумитаи марказии Ҳизби коммунисти ҶШС Тоҷикистон ҷойгир буд.
То замони ба бинои нав кӯчидан, муддати 25 сол дар ин ҷо дастгоҳи президент ва ҳукумат фаъолият мекарданд. Ахиран ин ҷо шаҳрдории Душанбе (бинои он ҳам тахриб шуд) ва Кумитаи сайёҳӣ ҷойгир буданд.
Кохи президент дар доираи татбиқи нақшаи генералии шаҳри Душанбе тахриб (кӯчонида) мешавад.
Дар ҷомеаи Тоҷикистон хабари вайрон шудани бинои дастгоҳи президент дар Душанбе вокуниш ба бор овард. Бархе аз шахсиятҳои шинохта мухолифи ин кор изҳори назар карда буданд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
