Беҳтарин футболбози чемпионати Тоҷикистон дар соли 2021, капитани дастаи “Истиқлол”-и Душанбе Алишер Ҷалидлов ба дастаи Суперлигаи футболи Ӯзбекистон – АГМК гузашт.
Алишер Ҷалилов бо дорандаи медалҳои биринҷии чемпионати Ӯзбекистон дар соли 2021 – тими АГМК (Алмалиқ) ба муддати ду сол қарордод баст.
Телеграм-канали дастаи футболи “Истиқлол” хабар дод, ки капитани даста Алишер Ҷалилов акнун бозиро дар чемпионати Ӯзбекистон идома медиҳад.
.jpg)
ИЗОБРАЖЕНИЕ
Алишер Ҷалилов аз соли 2019 дар тими “Истиқлол” ба бозӣ оғоз намуда, дар ин муддат се маротибагӣ дар Чемпионати кишвар ва Суперҷом ғолиб омад ва инчунин ба Ҷоми футболи Тоҷикистон соҳиб шуд.
Дар мавсими аввали иштироки тими “Истиқлол” дар даври гурӯҳии Лигаи чемпионҳои КФО дар ҳунарнамоии муваффақонаи даста дар ин мусобиқа саҳми назаррас гузошт.
Аз рӯи натиҷаҳои мавсимҳои футболи солҳои 2019 ва 2021 Алишер Ҷалилов беҳтарин футболбози Тоҷикистон эътироф гардид.
Сармураббии тими АГМК футболбози маъруфи ӯзбек Мирҷалол Қосимов мебошад. Ин дастаро Комбинати кӯҳӣ-металлургии Алмалиқ сарпарастӣ мекунад.
Қобили зикр аст, ки қаблан аз “Истиқлол” ҳимоятгар Андрей Мишенко низ ба тими АГМК гузашта, Ваҳдат Ханнонов ва Манучеҳр Сафаров бо дастаи “Персеполис”-и Эрон қарордод ба имзо расониданд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
