Сокинони Тоҷикистон субҳи имрӯз заминларзаро эҳсос намуданд. Соати 06:50 дақиқа замин такон хӯрд.
Бино ба маълумоти Институти геология, сохтмони ба заминҷунбӣ тобовар ва сейсмологияи Академияи миллии илмҳои Тоҷикистон, маркази заминларза дар 14 километрии ҷануби Душанбе дар қаламрави ноҳияи Рӯдакӣ воқеъ будааст.
Бино ба иттилои манбаъ, қувваи заминларза дар маркази он ба мисли Душанбе 3-4 баллро ташкил додааст. Дар бораи талафоти ҷониву харобиҳо маълумот дода намешавад.
Дар ҳамин ҳол, Маркази мониторинги сейсмикии КҲФ Ӯзбекистон ҳамчунин дар бораи заминҷунбӣ дар ҳамин вақт хабар медиҳад. Аммо тибқи маълумоти ин манбаъ, маркази заминларза дар қаламрави Афғонистон дар умқи 15 км воқеъ буда, қувваи заминларза дар марказ 4 балл будааст.
Дар ҳамин ҳол, зилзилашиносони Ӯзбекистон хабар медиҳанд, ки соати 07:05 дақиқа замин боз каме такон хӯрд (афтершок). Марказаш низ қариб дар ҳамон ҷо воқеъ буда, лекин умқи он 209 км-ро ташкил додааст.
Қаблан, рӯзи 8 декабр дар қаламрави ВМКБ-и Тоҷикистон ҳодисаи заминларза сабт шуд. Марказаш ноҳияи Шуғнон каме дуртар аз деҳаҳои Барсем ва Колхозобод арёбӣ шуд.
Қувваи ин заминларза 4 баллро ташкил дода, умқи дар масофаи 180 км қарор доштааст.
