Имрӯз рӯзи таваллуди Умари Хайём, яке аз маъруфтарин чеҳраҳои илмиву адабии ҷаҳон аст. Чеҳрае, ки аз оғоз то кунун шахсияташ ҳамроҳ ба баҳсҳои илмиву мазҳабиву адабиву фалсафӣ аст. Чеҳрае, ки яке аз "брендҳо"-и азамати фарҳангии тоҷикону форсзабонон дар дунё аст.

Дар ростои рӯзи марги ин нобиғаи илму адаби ҷаҳон, ки ифтихороти зиёде барои фарҳангу тамадунни ҷаҳонӣ офаридааст ва бузургии тамаддуни форсии тоҷикро дар дунё таъмин кардааст, як мустанадеро, ки 6-сол пеш BBC-форсӣ сохта буд, пешниҳод мекунем.

Дар ин мустанади Содиқи Сабо бо номи “Умар Хайём: нобиғаи парастишгар” ба шахсияти Хайём ва ҷойгоҳи ӯ дар дунё бештар ошно шавед. 

Нобиғае, ки то кунун тақвими сохтааш, бо вуҷуди пешрафтҳои зиёди илмӣ, баъди наздик ба 900 соли маргӣ ӯ, ҳанӯз дақиқтарин тақвим ё гоҳшуморӣ дар дунё аст.

Ғиёсуддин Абулфатҳ Умар ибни Иброҳими Хайёми Нишопурӣ ҷойгоҳи бисёр муҳтараме дар ҷоҳони имрӯз дорад. Ӯ 18-уми майи соли 1048 дар Нишопур таваллуд шуд ва 4-уми декабри соли 1131 дар ҳамин Ношпур дида аз ҷаҳон пӯшид.

Хайём дар дунё бо тахаллусҳое чун ҳамачиздон, файласуф, риёзидон, ситорашинос, шоир ва рубоисаро маъруф аст. Ҳарчанд ҷойгоҳи илмии Хайём бартар аз ҷойгоҳи адабӣ ва шоирияш аст, аммо шаҳомати шахсияти Хайёмро дар дунё пеш аз ҳама рубоёти ҷанҷолбарангез ва фикриву фалсафияш таъмин кард. Ба дунболи рубоёташ дунё аз як нобиғаи дигари илмӣ ҳам хабар ёфт.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.