Фаридун Одилов, размикори тоҷик, дар мусобиқаи лигаи Absolute Championship Akhmat-153 дар Маскав Наталисио Филюи бразилиягиро бо нокаути техникӣ шикаст дод.
Муҳорибаи Фаридун Одилов яке аз размҳои асосӣ дар мусобиқаи ACA дониста мешуд.
Дар дақиқаи дуюми даври аввал Фаридун Одилов як ҳуҷуми пурмаҳсул анҷом дода, ҳарифро бо як зарбаи фавқулода аз пой афтонд.
Барои Фаридун Одилов ин 16-ум пирӯзӣ ба ҳисоб меравад. Ӯ ҳамчунин, ду бохт ва ду мусовӣ низ дорад.
Қаблан ду маротиба ҳарифи Фаридун Одилов иваз шуд: ӯ бояд бо Вагнер Прадо ё Виталий Немчинов вориди ринг мешуд, аммо баъдан ҳарифи ӯ дигар шуд.
