Дар Чемпионати навбатии ҷаҳон оид ба гуштӣ, ки аз 16 то 24-уми сентябр дар Сербистон баргузор мешавад, 6 варзишгар аз Тоҷикистон ширкат мекунанд.
Ҳайати тими миллии Тоҷикистон:
Абдулмаҷид Қудиев (то 65 кг),
Мустафо Ахмедов (то 70 кг),
Магомед Евлоев (то 74 кг),
Шуҳрат Бозоров (то 79 кг).
Ин варзишгарон Тоҷикистонро дар мусобиқоти гуштии озод намояндагӣ мекунанд:
Асламҷон Азизов (то 60 кг) ва Фирӯз Мирзораҷабов (то 67 кг) – дар намуди гуштии юнониву румӣ.
Иштирокчиёни ин мусобиқа ҳамчунин барои ба даст овардани роҳхат ба Бозиҳои тобистонаи олимпии соли 2024, ки дар Париж баргузор мешавад, низ рақобат хоҳанд кард. Дар маҷмӯъ, варзишгарон барои 90 квота мубориза мебаранд.
Ҷадвали баргузории мусобиқот бо ширкати паҳлавонони тоҷик:
16 сентябр.
Гуштии озод. Мустафо Ахмедов (то 70 кг)
17 сентябр.
Гуштии озод. Магомед Евлоев (то 74 кг), Шуҳрат Бозоров (то 79 кг).
18 сентябр.
Гуштии озод. Абдулмаҷид Қудиев (то 65 кг).
22 сентябр.
Гуштии юнонию румӣ. Асламҷон Азизов (то 60 кг).
23 сентябр.
Гуштии юнонию румӣ. Фирӯз Мирзораҷабов (то 67 кг).
