Ҳаракати воситаҳои нақлиёт дар роҳи мошингарди Душанбе – Хоруғ бар асари фаромадани сангреза то ҳол баста аст. Ҳодиса дар мавзеи деҳаи Кеврон дар ноҳияи Дарвоз рӯзи 16 октябр ба амал омад. Сангҳо роҳро бастанд. Аз одамон касе осеб надидааст. Он ҷо мошинҳо ҷамъ шудаанд, хабар доданд ба “Азия-Плюс” аз Вазорати нақлиёти ҷумҳурӣ.
Дар Вазорати нақлиёт зикр карданд, ки сангреза нимаи рӯзи душанбе фаромада, ҳозир барои тоза кардани ин қитъаи роҳ ҳамаҷониба кӯшиш ба харҷ дода мешавад.
“Қитъаи роҳро тоза карда истодаанд ва ояндаи наздик ҳаракати нақлиёт тариқи он барқарор мешавад”, – гуфтанд дар Вазорат.
Шумори умумии автомобилҳое, ки аз ду тараф роҳашон баста аст, дақиқан маълум нест. Манбаъ дар ин бора танҳо гуфт, ки онҳо зиёданд.
Нақлиёти асосӣ дар ин роҳ байнишаҳрӣ аст.
