Дар назар аст Шавкат Мирзиёев, раиси ҷумҳури Ӯзбекистон, рӯзҳои 18-19 апрел бо як сафари расмӣ ба Тоҷикистон сафар кунад. Дар ин бора ба ОИ “Азия-Плюс” аз Сафорати Ӯзбекистон дар Тоҷикистон хабар доданд.
Гуфта мешавад, ки дар ҷараёни ин сафар ӯ бо ҳатои тоҷики худ Эмомалӣ Раҳмон мулоқот карда, масоили ҳамкориҳои дуҷониба ва таҳкими равобити дӯстонаи ду кишварро баррасӣ кунанд.
Дар Сафорат Ӯзбекистон қайд карданд, ки дар чаҳорчӯби ин сафар рӯзҳои 17-20 апрел Рӯзҳои фарҳангии Ӯзбекистон дар Тоҷикистон баргузор мешаванд.
Ёдовар мешавем, ки дирӯз вазири корҳои хориҷии Тоҷикистон Сироҷиддин Муҳриддин дар ҳошияи нишасти дуюми вазирони корҳои хориҷии Муколамаи стратегии “Осиёи Марказӣ – Шӯрои ҳамкории кишварҳои арабии Халиҷи Форс” бо Вазири корҳои хориҷии Ӯзбекистон Бахтиёр Саидов мулоқот намуд.
Зимни мулоқот ҷонибҳо вазъи кунунӣ ва дурнамои муносибатҳои дуҷониба ва ҳамкориҳо дар доираи созмонҳои байналмилалӣ ва минтақавиро баррасӣ карданд.
Вазорати корҳои хориҷии Тоҷикистон хабар дод, ки ҷонибҳо ҳамчунин масъалаҳои марбут ба омодагии сафари давлатии президенти Ӯзбекистон ба Тоҷикистонро баррасӣ карданд, вале он замон санаи дақиқи ташрифи Мирзиёев ба Ҷумҳурии Тоҷикистон зикр нашуда буд.
