Вазорати мудофиаи Тоҷикистон эълон кард, ки нақшаи баҳории ҷалби ҷавонон ба артиш дар кишвар пурра иҷро шудааст.
Ин мавсими даъват ба сафи Нерӯҳои мусаллаҳ аз 1-уми апрел оғоз шуда буд ва ҳоло, ба иттилои манбаъ, қабл аз муҳлат нақшаи он иҷро шудааст.
Ин ниҳод гуфт, аввал ВМКБ, шаҳри Душанбе, вилояти Хатлон ва дар рӯзҳои баъди шаҳру навоҳии тобқеи ҷумҳурӣ ва вилояти Суғд нақшаро 10% иҷро карданд.
Мақомот пурра иҷро шудани нақшаро пеш аз муҳлат “афзоиши ихтиёриён, пешниҳоди имтиёзҳо ба даъватшавандагон ва дуруст ба роҳ мондани корҳои фаҳмондадиҳӣ” арзёбӣ мекунанд. Вале коршиносон мегӯянд, тибқи қонуни нави уҳдадорҳои ҳарбӣ, мақомот ҳақ пайдо карданд, ки тамоми сол ҷавононро ба артиш ҷалб кунанд ва маҳз ин чиз сабаб мешавад, ки онҳо нақшаро дар рӯзҳои аввали маъракаи даъват иҷро кунанд.
Ҳамасола дар давраи корзор (маърака)-и давъати ҳарбӣ мавзуи ҷалби ҷавонон ба артиш дар Тоҷикистон доғ мешавад. Шароити номуносиб, бадрафторӣ бо сарбозон, меҳтарсолорӣ ва марги ҷавонон дар қисмҳои ҳарбӣ аз сабабҳои аслии саркашии ҷавонон аз хидмат дар сафи Қувваҳои мусаллаҳи кишвар гуфта мешавад.
