Душанбе. 7-уми июл. ОИ «Азия-Плюс» – Дар маҳалли сохтмони бинои баландошёна дар шаҳри Душанбе ҳодисаи нохуш рух дод.
Чӣ тавре ки ба ОИ «Азия-Плюс» аз ВКД ҶТ иттилоъ доданд, дар майдони сохтмони ҶДММ «Совтехник интернейшнл», ки дар хиёбони Саъдии Шерозии пойтахт воқеъ аст, қолиби бетонрезӣ аз ошёнаи даҳум ба замин фуруд омада, аз он шаҳрванди Афғонистон Бозмуҳаммад Қурбонмуҳаммад осеб мебинад. «Мард ҷароҳатҳои вазнин бардошта, ҳангоми интиқол ба беморхона ба ҳалокат расид», – гуфтанд дар вазорат.
Муврфиқи маълумоти фаврӣ, шурӯъ аз оғози соли ҷорӣ дар қаламрави Тоҷикистон 361 ҳодисаи нохуши хусусияти табиӣ ва техногенидошта рух додааст.
