Душанбе. 12-уми май. ОИ «Азия-Плюс» – То рӯзи 11-уми май дар Ҷумҳурии Тоҷикистон нақшаи даъвати баҳорӣ ба хизмати ҳарбӣ дар сафи Қувваҳои Мусаллаҳи ҶТ ба андозаи беш аз 97 дарсад ба иҷро расид.
Чӣ тавре ки сардори маркази матбуоти Вазорати мудофиаи ҶТ Фаридун Маҳмадалиев ба ОИ «Азия-Плюс» хабар дод, дар вилояти Хатлон нақшаи даъват пурра иҷро гардида, ин нишондиҳанда дар вилояти Суғд ба 97,1 ноҳияҳои тобеи марказ – 95,6, ВМКБ – 93,3 ва шаҳри Душанбе – 88,4 дарсад баробар аст.
