Душанбе. 2-юми май. ОИ «Азия-Плюс» – Соли равон вазорати мудофиаи Чин ба вазорати мудофиаи ҶТ ба маблағи 1,5 млн. $ кӯмаки ройгон ҷудо мекунад.
Роҳбари маркази матбуоти вазорати мудофиаи ҶТ Фаридун Маҳмадалиев ба хабарнигори ОИ «Азия-Плюс» изҳор дошт, ки дар ин хусус зимни мулоқоти вазирони мудофиаи кишварҳои узви СҲШ дар Маскав созишнома ба имзо расидааст. «Вазорати мудофиаи Чин баҳри рушду таҳкими имконоти Артиши миллии Тоҷикистон чандин мариба ба мо кӯмак кардааст», – гуфт ӯ.
Ба гуфтаи Ф.Маҳмадалиев, маблағи мазкур барои бо техникаи муосир муҷаҳҳаз гардонидани сохторҳои вазорат ва тайёр кардани кадрҳои баландихтисос дар ин соҳа истифода хоҳад шуд.
