Душанбе. 16-уми июн. «Азия-Плюс» — | Ҳукумати Қирғизистон оид ба масоили қочоқи маводи сӯзишворӣ ба Тоҷикистон аз вилояти Ботканд як комиссияи махсус таъсис дод.
Тавре дар сомонаи расмии ҳукумати Қирғизистон (
www.gov.kg
) хабар дода мешавад, чорабинии мазкур дар чаҳорчӯби мубориза алайҳи қочоқи маводи сӯзишворӣ ба хориҷи кишвар пеш гирифта шуда, аъзои комиссияи тозатаъсис имрӯз баҳри омӯзиши дақиқи масъала ба вилояти Ботканд сафар хоҳанд кард.
Ҳамчунин ҳукумати Қирғизистон бобати ба муддати 6 моҳ манъ кардани ба хориҷи кишвар баровардани маводи сӯзишворӣ низ қарор қабул кард. «Қарори мазкур бо мақсади пешгирии ба вуҷуд наомаднаи норасоии шадиди он дар бозори дохилӣ қабул карда шуд», – гуфта мешавад дар хабари сомона.
Бино ба иттилои хабаргузории
www.24kg.org
вакили парлумони Қирғизистон Азамат Арапбоев дар робита ба ин масъала изҳор доштааст, ки ин мушкилоти марзбонон аст, зеро миёни Тоҷикистону Қирғизистон ба маънии томаш марзи воқеъие вуҷуд надорад.
