Чанде қабл дар ҳошияи иҷлосияи 10-уми Шӯрои вазирони корҳои хориҷии Муколамаи ҳамкории Осиё, ки дар шаҳри Кувайти Давлати Кувайт сурат мегирад, Вазири корҳои хориҷии Ҷумҳурии Тоҷикистон Ҳамрохон Зарифӣ бо Вазири корҳои хориҷии Ҷумҳурии Демократии Сотсиалистии Шри-Ланка Гамини Лакшман Пэрис мулоқот намуд.
Тавре аз департаменти иттилооти Вазорати корҳои хориҷии ҷумҳурӣ иттилоъ доданд, зимни сӯҳбат масъалаҳои муносибатҳои дуҷониба ва роҳҳои таҳкими ин муносибатҳо мавриди баррасӣ қарор гирифтанд. Ҳамчунин ҷонибҳо дар бораи ҳамкориҳои ҳарду кишвар дар чаҳорчӯби созмонҳои байналмилалӣ табодули назар карданд.
