Миёни Донишкадаи исломии ба номи Имом Абӯ Ҳанифаи Тоҷикистон ва Донишкадаи исломии Русия Созишномаи ҳамкорӣ ба имзо расид.
Тавре ба ОИ «Азия-Плюс» аз Донишкадаи исломии Тоҷикистон хабар доданд, чанде қабл дар шаҳри Қазон, ки Донишкадаи исломии Русия он ҷо воқеъ аст, зери созишномаи мазкур мудири шӯъбаи таҳлил, назорат ва робита бо ҷомеаи Донишкадаи исломии Тоҷикистон, профессор, доктори улуми фалсафа Абдуманнон Саидов ва ректори Донишгоҳи исломии Русия Рафиқ Муҳаметшин имзо гузоштанд.
«Дар доираи сафар ба шаҳри Қазон намояндагони донишкадаи мо аз фаъолияти Донишгоҳи исломии Русия дар мавриди таҳияи барномаҳои омӯзишӣ ва таълими он дар факултаи улуми шариат таҷриба андӯхта, ҳамчунин бо ташкили кори илмиву методии донишгоҳ ва ҷараёни умумии омодасозии кадрҳо дар соҳаи фарҳанги исломӣ аз наздик ошно хоҳанд шуд», – гуфт манбаъ.
Ба иттилои манбаъ, ҷониби Тоҷикистон таҷрибаандӯзӣ маҳз дар Донишгоҳи исломии Русияро бинобар сабаби тамоили анъанаҳои ҳанафӣ доштани он интихоб намудааст.
