Дар маркази вилоят шаҳри Қӯрғонтеппа давраи сеюми олимпиадаи фаннии мактаббачагони вилояти Хатлон дар соли хониши 2011-2012 ҷамъбаст гардид.
Тавре аз хаамоти матбуоти раиси вилояти Хатлон хабар доданд, олимпиадаи мазкур дар се давр бо иштироки беш аз 144 ҳазор нафар хонандагони синфҳои 9,10 ва 11 аз тамоми мактабҳои таҳсилоти миёнаи умумии шаҳру ноҳияҳои вилоят гузаронида шуд.
Ба иттилои манбаъ, дар маросими ҷамъбасти олимпиадаҳои фаннӣ бо иштироки муовини аввали вазири маорифи Ҷумҳурии Тоҷикистон Фарҳод Раҳимов, муовини раиси вилояти Хатлон Ситора Шерова ва омӯзгорони пуртаҷрибаи вилоят ба 165 нафар ғолибон, медал ва ифтихорномаҳои таъсисдодашудаи раёсати маорифи вилояти Хатлон супорида шуд.
Зикр гардид, ки ғолибони озмун барои иштирок ба даври навбатии олимпиадаҳои фаннии ҷумҳуриявӣ роҳхат гирифтанд.
