Душанбе. 5-уми декабр. ОИ «Азия-Плюс» – Чанде қабл кормандони шӯъбаи умури дохилии ноҳияи Синои шаҳри Душанбе сокини пойтахт – Умед Қудратови 27-соларо ба гумони даст доштан дар таҷовуз ба номуси духтари ноболиғ боздошт намуданд.
Тавре сардори маркази матбуоти Вазорати умури дохилии ҷумҳурӣ Муҳаммадулло Асадуллоев ба ОИ «Азия-Плюс» хабар дод, У.Қудратов зимни тафтиши муроҷиати шаҳрванд А.Б. дар бораи ба номуси духтари ноболиғаш таҷовуз кардани шахси номаълум боздошт шудааст.
Бино ба иттилои манбаъ, боздоштшуда иқрор шудааст, ки ба номуси ноболиғи 14-сола дастдарозӣ кардааст. «Аз рӯи ин далел тибқи моддаи 138, қ.3-и Кодекси ҷиноии ҶТ (Таҷовуз ба номус) парвандаи ҷиноӣ боз гардида, дар сурати исботи гуноҳ ҳукми 25 соли маҳрумият аз озодӣ пешбинӣ шудааст», – афзуд М.Асадуллоев.
