Душанбе. 5-уми декабр. ОИ «Азия-Плюс» – Агентии назорати давлатии молиявӣ ва мубориза бо коррупсияи ҷумҳурӣ аз болои шаҳрванди Озарбойҷон – диретори ҶДММ «Макнат» Мӯсо Сафар оғли Ҳусейнов парвандаи ҷиноӣ боз кард.
Тавре аз агентии мазкур ба ОИ «Азия-Плюс» хабар доданд, М.Ҳусейнов, ки дар шаҳри Душанбе муваққатан ба сар мебарад, дар ҳамдастӣ бо сардори шӯъбаи хати интиқоли баландшиддати барқи Вазорати энергетика ва саноати Тоҷикистон Қурбон Саидов бо роҳи фиреб 4 ҳазор доллари амрикоии шаҳрванди Чин – директори ширкати «Ветал Интер Трайдер» Хуан Вен Сенаро азхуд мекунанд.
Ба иттилои манбаъ, нисбати М.Ҳусейнов ва Қ.Саидов тибқи моддаи 247-и Кодекси ҷиноии ҶТ (Қаллобӣ) парвандаи ҷиноӣ оғоз гардида, тафтишот идома дорад.
