Субҳи имрӯз вазири корҳои хориҷии Ҷумҳурии Тоҷикистон Ҳамрохон Зарифӣ ҷиҳати иштирок дар ҷаласаҳои Шӯрои вазирони корҳои хориҷии кишварҳои узви Иттиҳоди Давлатҳои Мустақил ва Шӯрои вазирони корҳои хориҷии давлатҳои аъзои Созмони Аҳдномаи амнияти дастаҷамъӣ ба шаҳри Остонаи Ҷумҳурии Қазоқистон сафар кард.
Тавре аз департаменти иттилооти Вазорати корҳои хориҷии ҷумҳурӣ хабар доданд, дар ҷаласҳои мазкур баррасии масоили марбут ба мавқеи усулии кишварҳо оид ба мушкилоти муҳиму рӯзмарраи таъмини амният дар ҷаҳону минтақа, андешидани чораҳои иловагӣ ҷиҳати ҳалли он ва тақвияти ҳамраъйиву муттаҳидӣ нисбат ба мавҷудияти таҳдидҳои берунӣ мавриди баррасӣ қарор мегиранд.
Ҳамчунин ба рӯзномаи ҷаласаҳо дар Остона масоили роҳандозии бештар пурсамари ҳамкории мутақобилаи намояндагони доимии кишварҳои узви СААД дар созмонҳои байнулмилалӣ ва имзои Ёддошти ҳсуни тафоҳум миёни котиботи СААД ва департаменти амалиёти СММ оид ба таъмини сулҳ низ шомил шудаанд.
