Душанбе. 18-уми ноябр. ОИ «Азия-Плюс» – Дар иҷлосияи
XVI
-уми Барномаи махсуси Созмони Милали Муттаҳид (СПЕКА), ки рӯзҳои 18-21-уми ноябр дар шаҳри Алмаато доир мегардад, масъалаи истифодаи оқилонаи захоири обии ишварҳо мавриди баррасӣ қарор мегирад.
Тавре аз Вазорати умури хориҷии ҷумҳурӣ ба ОИ «Азия-Плюс» хабар доданд, дар доираи баргузории иҷлосия дар мавзӯи «Истифодаи оқилонаи захоири обӣ ва энергетикӣ дар Осиёи Марказӣ» ҷаласаи гурӯҳи кории Барнома баргузор гашта, таҷрибаҳои амалии роҳандозии фаъолияти пурсамари истифодаи имконоти энергетикӣ матраҳ хоҳанд шуд.
Зимнан дар ҷаласаи гурӯҳи корӣ гузориши амалисозии ҳамкориҳо оид ба мусоидат дар истифодаи оқилонаи захоири обӣ ва энергетикӣ ва андешидани чораҳои муассир дар ин бахшҳо муҳокима хоҳанд шуд. «Ҳамчунин атрофи масоили ҷараёни татбиқи қарорҳои Шӯрои мудирони Барнома ва таъмини бехатарии сарбандҳо дар Осиёи Марказӣ табодули афкор сурат хоҳад гирифт», – гуфт манбаъ.
Тоҷикистонро дар ҷаласа ҳайати коршиносони ҷумҳурӣ таҳти сарварии вазири мелиоратсия ва захоири обии кишвар Анвар Зокиров намояндагӣ мекунад.
