Душанбе. 17-уми ноябр. ОИ «Азия-Плюс» – Чанде қабл тавассути ҳавопаймои амрикоии навъи
TRISTAR
–
L
1011 гурӯҳи аввалини зоирини тоҷик иборат аз 360 нафар барои адои маросими ҳаҷ озими шаҳри Макка шуданд.
Тибқи маълумоти Вазорати фарҳанги ҷумҳурӣ, соли равон 5 ҳазору 200 нафар шаҳрвандони тоҷик ба зиёрати хонаи Каъба мераванд.
Бино ба иттилои манбаъ, аз Душанбе 11 ва аз шаҳри Хуҷанд 3 чунин парвози тайёраҳо ба Арабистони Саъудӣ ба нақша гирифта шудааст ва парвози охирин 30-уми ноябр сурат хоҳад гирифт.
Қобили зикр аст, ки оид ба интиқоли шаҳрвандони тоҷик ба адои маросими ҳаҷ миёни ширкати ҳавопаймоии «Тоҷик Эйр» ва ширкати арабӣ тавофуқ ҳосил шуда буд.
«Шоми имрӯз боз як ҳавопаймои дигар бо зоирини тоҷик роҳ сӯи Макка пеш мегирад», – афзуд манбаъ.
