Душанбе. 24-уми сентябр. ОИ «Азия-Плюс» – Раиси Иттифоқи журналистони Тоҷикистон Акбаралӣ Сатторов бар он назар аст, ки оғози парвандаи ҷиноӣ аз болои муассиси газетаи «Чароғи рӯз» Додоҷон Атовуллоев ба вазъи озодии сухан дар Тоҷикистон таъсире нахоҳад гузошт.
Ба ақидаи А.Сатторов, оғоз гардидани парвандаи ҷиноӣ маънои онро надорад, ки аллакай рӯзноманигор гунаҳкор аст. «Аз болои журналистони зиёде парвандҳои ҷиноӣ боз гашта буданд, ки дар аксари онҳо намояндагони васоити ахбори омма бегуноҳии худро исбот карданд ва агар Д.Атовуллоев низ ҳақ аст, бигзор онро дар додгоҳ собит созад», – таъкид сохт ӯ.
Мавсуф инчунин изҳор дошт, ки Иттифоқи журналистони Тоҷикистон ҷиҳати таъсиси ҳаракати «Ватандор» ҳанӯз пас аз эълон гардидани он муносибати манфашро баён сохта буд. «Ман ба журналистон гуфтаниам, ки аз ин далел
PR
–чорабинии навбатӣ ташкил надиҳанду бидуни тӯҳмату таҳқири ҳамдигар аз пайи иҷрои вазифаҳои касбии худ бошанд», – афзуд А.Сатторов.
