Душанбе. 10-уми ноябр. ОИ «Азия-Плюс» – Имрӯз дар Душанбе мулоқоти намояндагони кишварҳои Осиёи Марказӣ, Қафқоз, Русия ва Чин оид ба баррасии масоили мавҷудаи соҳаи моҳипарварӣ дар минтақа ба кор оғоз кард.
Дар маросими ифтитоҳи мулоқот вазири кишоварзии ҷумҳурӣ Қосим Қосимов изҳор дошт, ки вохӯрӣ бо мақсади муҳокимаи имкони таъсиси ташкилоти минтақавии Осиёи Марказӣ дар соҳаи моҳипарварӣ гузаронида мешавад. «Таъсиси чунин ташкилот ба ҳалли мушкилоти ҷойдошта дар соҳаи моҳипарварӣ дар минтақа мусоидат намуда, идора, тавсеъа ва рушди соҳаро таъмин хоҳад кард»,- гуфт ӯ.
Мулоқот аз ҷониби Вазорати кишоварзии ҷумҳурӣ ва Созмони ҷаҳонии ғизо ташкил гардида, он то 12-уми ноябр идома хоҳад ёфт.
