Душанбе. 12-уми ноябр. ОИ «Азия-Плюс» – Дирӯз вазири умури хориҷии Тоҷикистон Ҳамрохон Зарифӣ муовини ёвари Котиби давлатии Иёлоти Муттаҳидаи Амрико оид ба Осиёи Ҷанубӣ ва Марказӣ Ҷорҷ Кролро ба ҳузур пазируфт.
Тавре аз департаменти иттилооти Вазорати умури хориҷии ҷумҳурӣ ба ОИ «Азия-Плюс» хабар доданд, дар вохӯрӣ ҷонибҳо аз сатҳи густариши муносиботи ҳамкорӣ миёни Тоҷикистону Амрико изҳори қаноатмандӣ карданд.
«Дар мулоқот ҷонибҳо ҳамчунин атрофи масоили вазъи минтақаи Осиёи Марказӣ ва Афғонистон, мушкилоти мавҷудаи ҳалли масъалаҳои ҷойдоштаи истифодаи захираҳои обӣ ва энергетикӣ дар минтақа табодули назар намуданд», – афзуд манбаъ.
