Душанбе. 19-уми феврал. ОИ «Азия-Плюс» – Мудирони Бонки таҷдид ва рушди Аврупо дар чаҳорчӯбаи Барномаи Мусоидат ба тиҷорати бонк ҶСК «Агроинвестбонк»-ро бори навбатӣ ба унвони «Бонки фаъолтарин оид ба маблағгузории тиҷоратӣ дар Тоҷикистон» сазовор донистанд.
Тавре аз аркази матбуоти ҶСК «Агроинвестбонк» ба ОИ «Азия-Плюс» хабар доданд, соли чаҳорум аст, ки бонк ба ин унвон сазовор мегардад. Соли 2005 бонк ба унвони «Бонки фаъолтарин» ва солҳои 2006 ва 2007 чун «Бонки фаъолтарин оид ба рушди тиҷорати дохилиминтақавӣ» эътироф гардида буд.
