Тибқи нақшаи корӣ аз 5 то 11 феврали соли 2012 дар шаҳри Душанбе Ҷаласаи муштараки навбатии ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон оид ба делимитатсия ва демаркатсияи сарҳади давлатии Тоҷикистону Қирғизистон баргузор гардид.
Тавре аз департаменти иттилооти Вазорати корҳои хориҷии ҷумҳурӣ хабар доданд, зимни вохӯрӣ тарафҳо дар ҳалли масъалаҳои муқарраршуда ба мувофиқаи муайян омаданд.
Мулоқот дар фазои дӯстиву ҳусни тафоҳум сурат гирифт.
Гуфтушунидҳо идома меёбанд. Вохӯрии навбатии ҳайатҳои Ҷонибҳо дар шаҳри Бишкеки Ҷумҳурии Қирғизистон барпо хоҳад гашт.
То имрӯз ҳудуди 50%-и марзи Тоҷикистону Қиргизистон муайян карда шуда, бино ба маълумоти манбаъ, сарфи назар аз мавҷуд будани маҳаллаҳои аҳолинишини қирғиз ва тоҷикнишин дар ҳар ду самт, ҷараёни гуфтушунид оид ба муайян кардани хатти марз бо Қирғизистон муваффақона идома доранд.
Масофаи умумии марзи давлатии Тоҷикистон бо кишварҳои дигар беш аз 4 ҳазор километрро ташкил медиҳад, ки ҳудуди 1 ҳазор километри он марз бо Қирғизистон аст.
