Дар ҷаласаи васеи Кумитаи иҷроияи Федератсияи футболи Тоҷикистон қарор шуд, ки ғолиби Ҷоми футболи Тоҷикистон дар соли 2012 бо 30 ҳазор сомонӣ (каме бештар аз 6,2 ҳазор $) ва дастаи мағлуб дар бозии ниҳоӣ бо 20 ҳазор сомонӣ мукофотпулӣ сарфароз гардонида мешаванд.
Бозии ниҳоӣ барои дарёфти Ҷоми футболи Тоҷикистон дар соли 2012 рӯзи 5-уми октябр дар варзишгоҳи «20-солагии Истиқлолияти Тоҷикистон» дар шаҳри Хуҷанд доир мегардад.
Ғайр аз ин, тасмим гирифта шуд, ки бозии ниҳоӣ барои дарёфти Ҷомии олӣ (Суперкубок)-и Тоҷикистон дар варзишгоҳи марказии шаҳри Кӯлоб доир мегардад.
Қобили зикр аст, ки қаблан бозиҳо барои дарёфти Ҷоми олии Тоҷикистон ҳамагӣ се маротиба баргузор шуда, дар ҳамаи бозиҳо дастаи «Истиқлол»-и Душанбе дастболо шуд.
Дар ҳамин ҳол, ноиби президенти ФФТ Азизбек Раҷабов аз даст кашидани чанде аз дастаҳо барои иштирок дар мусобиқоти Ҷоми футболи Тоҷикистон изҳори таассуф намуд.
боиси хушнуди мебошад, ки
боиси хушнуди мебошад, ки футболи точик кадам бапеш гузошта истодааст. Чунин мукофот пулихо агар чи каму беш хам бошад лекин нишондихандаи пешрафти футболи точик аст. Ин гуна мукофотхо метавонанд бозии футболро миёни дастахо чолибтар гардонад. БА ПЕШ ФУТБОЛИ ТОЧИК