Имрӯз вазири корҳои хориҷии Тоҷикистон Ҳамрохон Зарифӣ ҷиҳати иштирок дар ҷаласаи навбатии Шӯрои вазирони корҳои хориҷии Созмони Амният ва Ҳамкорӣ дар Аврупо, ки аз 6 то 7-уми декабри соли ҷорӣ доир мегардад, аз Ашқобод ба Дублин сафар намуд.
Тавре аз Вазорати корҳои хориҷии ҷумҳурӣ хабар доданд, зимни ҷаласа роҳбарони ҳайатҳо масоили ҳамкорӣ оид ба самтҳои асосии муносибатҳоро дар чаҳорчӯби САҲА, аз ҷумла, такмили сохтор ва мутобиқати Созмон ба чолишҳои навин, таҳкими амният, мубориза бар зидди терроризми байналмилалӣ, ҳифзи табиат ва муҳити зистро баррасӣ хоҳанд кард.
