Дар семоҳаи аввали соли равон ба Тоҷикистон ба маблағи зиёда аз 30 млн. $ кӯмаки башардӯстона ворид гардид.
Бино ба маълумоти Агентии омори назди президенти ҷумҳурӣ, дар ин давра ба сифати кӯмаки башардӯстона ба ҷумҳурӣ ҳудуди 2,5 ҳазор тонна орд, 293,6 тонна равғани рустанӣ, воситаҳои дорувориву таҷҳизоти тиббӣ ба маблағи умумии зиёда аз 16,1 млн. $, сарулибос ва пойафзол ба маблағи 366,8 ҳазор. $, дигар маҳсулоти ғизойӣ, кӯрпаву ҷойхоб, дастгоҳҳои барқиву таҷҳизоти компютерӣ ва ғайра ворид гардиданд.
Дар ин давра ба Тоҷикистон 37 кишвари ҷаҳон дасти ёрӣ дароз намуданд. Дар байни кишварҳо-мададрасонон вазни нисбатан хос аз рӯи арзиш ба ИМА – 74,6%, Русия – 7,6%, Чин – 3%, Австрия – 2,5%, Нидерланд – 2,1%, Эрон – 1,5%, Дания – 1,4%, Латвия – 1,3%, Қазоқистон – 0,9%, Туркия – 0,6%, Британияи Кабир – 0,6% ва Олмон – 0,6% рост меояд.
