Дар минтақаи ҷануби ҷумҳурӣ як модари се фарзанд тавассути худро оташ задан кӯшиш кардааст, ки ба худкушӣ даст занад.
Чӣ тавре ки ба ОИ «Азия-Плюс» мудири шуъбаи кор бо занони мақомоти шаҳрдории Кӯлоб Саида Нурляминова хабар дод, сокини мавзеи Давлаободи ҷамоати Зарбдори ноҳияи Кӯлоб ба қавли хешовандонаш, гирифтори бемории рӯҳӣ будааст.
«Ҳамсараш ӯро наҷот дода, ба беморхона бурдааст, вале табибон вазъи ӯро вазнин баҳогузорӣ намудаанд, зеро сӯхтаҳои ҷисм то 76%-ро ташкил додаанд», – иброз дошт ӯ.
Тибқи маълумоти С.Нурляминова, аз оғози сол ин 4-умин ҳодисаи кӯшиши даст ба худкушӣ задани занон дар Кӯлоб буда, як духтар ҳалок ва ду нафари дигар зинда мондаанд.
