Вазири корҳои хориҷии ҶТ Ҳамрохон Зарифӣ ҷиҳати иштирок дар кори ҷаласаи Шӯрои вузарои корҳои хориҷии давлатҳои аъзои Созмони Ҳамкории Шонҳой, бо сафарӣ корӣ озими шаҳри Чолпон-Атои Қирғизистон шуд.
Ҷаласаи Шӯрои вазирони корҳои хориҷии давлатҳои аъзои СҲШ 13-уми июл баргузор мегардад.
Тибқи иттилои торнамои вазорати корҳои хориҷии ҶТ, зимни ҷаласа раванди омодагӣ ба нишасти Шӯрои сарони давлатҳои аъзои СҲШ, ки 13-уми сентябри соли ҷорӣ баргузор мегардад, баррасӣ хоҳад шуд.
Вазирони корҳои хориҷӣ ҳамчунин масъалаҳои фаъолияти кунунии ин Созмон ва самтҳои рушди робитаҳоро дар чаҳорчӯби СҲШ мавриди баррасӣ қарор дода, роҷеъ ба ҳамкориҳои минтақавӣ ва рӯзномаи байнулмилалӣ табодули назар мекунанд.
Дар ҷамъбасти ҷаласа пазируфтани қарорҳо оид ба нишасти дарпешистодаи Шӯрои сарони давлатҳои аъзои СҲШ дар назар аст.
