Ахири ҳафтаи сипаришуда нахуствазири Тоҷикистон Оқил Оқилов аз минтақаи озоди иқтисодии «Данғара» боздид намуд.
Чӣ тавре ки ба ОИ «Азия-Плюс» аз котиботи нахуствазир хабар доданд, Оқилов бо ҷараёни омодагӣ ба амалисозии лоиҳаҳои таъсиси корхонаҳои муштараки Тоҷикистону Белорус ва Тоҷикистону Чин оид ба истеҳсоли тракторҳо ва коркарди маҳсулоти нафтӣ шинос шуда, ҷиҳати таъҷилан ҷудо кардани қитъаи замин ба онҳо, ба маъмурияти минтақаи озоди иқтисодӣ супориш дод.
«Нахуствазир ба мақомоти дахлдор ҳамчунин оид ба таъмини минтақаи озоди иқтисодии Данғара» бо об, нерӯи барқ ва шабакаҳои коммуникатсионӣ дастурҳои мушаххас дод», – зикр кард манбаъ.
